التجربة الأولية لسلسلة Galaxy Tab S8 الجديدة من سامسونج !

Galaxy Tab S8

سلسلة Galaxy Tab S منذ ان بدأت لأول مره بره في سنة 2014، وهي تعتبر السلسلة التابلت الرائدة من سامسونج، بتيجي فوق سلسلة Tab A المتوسطة، واخيرا  سامسونج قدمت أحدث جيل من السلسلة دي، قدمت Galaxy Tab S8 و Tab S8 Ultra و Tab S8 Plus، والنهارده هنقدملكم الإنطباعات الأولية ليهم.

الشاشات :-

شاشة نسخة الـUltra عملاقة، مقاسها 14.6 بوصة، واصله لأنها تكون شاشة لاب توب مش تابلت .. شاشة عملاقة وكمان Super AMOLED، وكمان بتيجي بتردد 120 هيرتز .. شاشة مُبهرة حقيقي.

وزن نسخة الـUltra حوالي 728 جرام، وزن مش قليل بس مش كبير على الشاشة دي، وتخانة التابلت 5.5 مللي بس، تخانه ممتازة جدًا، وخامات التابلت معدن كمان.

اما نسخة الـPlus فا الشاشة 12.7 بوصة من نوع Super AMOLED بتردد 120 هيرتز برده، أصغر شوية من النسخة الـUltra بس مازالت كبيرة، وزنه 567 جرام وتخانته 5.7 مللي.

وأخيرًا النسخة العادية شاشتها 11 بوصة بس، ونوعها LTPS TFT لكن بتردد 120 هيرتز .. وزن التابلت 503 جرام وتخانته 6.3 مللي.


الأداء :-

كل النسخ بتيجي بمعالج نفس اللي في سلسلة Galaxy S22 .. معالج سناب دراجون 8 جين 1، أقوى معالج حاليًا من كوالكوم وبالتالي مفيش أي تنازل في الأداء.


الكاميرات :-

الكاميرا الخلفية ثابته في الـ3 نسخ، عدسة أساسية 13 ميجا بيكسل بفتحة عدسة F/2.0، والثانية 6 ميجا بيكسل بفتحة عدسة F/2.2 للتصوير بزاوية واسعة.

الكاميرا السيلفي في النسخة الـUltra مُزدوجة، أساسية 12 ميجا بيكسل بفتحة عدسة F/2.2، والثانية 12 ميجا بيكسل بفتحة عدسة F/2.4 للتصوير بزاوية واسعة، لكن في النسخة العادية والـPlus مفيش الـUltra Wide بتاعت السيلفي!


عناصر اخرى :-

الـ3 نسخ داعمين للقلم الـsPen وموجود في العلبة، نسبة التأخير بتاعت القلم في نسخة الـUltra والـPlus حوالي 2.8 مللي زي Galaxy S22 Ultra، نسبة التأخير بتاعت النسخة العادية حوالي 6.2 مللي، وده بيرجع لنوع الشاشة.

كل الإصدارات بتيجي بصوت Stereo من 4 سماعات من AKG والصوت قوي جدًا، تجربة الصوت ممتازة مع الشاشات العملاقة اللي موجودة.

السوفت وير هو One UI 4.1 المُخصص للتابلت، واللي فيه حاجات كتير تقدر تعملها ما بين التابلت والموبايل الـ سامسونج، زي الـQuick Share او انك تاخد حاجه كوبي من التابلت للموبايل بالقلم.


البطاريات :-

بطارية Tab S8 Ultra بحجم 11.200 مللي امبير، اما Tab S8 Plus بطاريته 10.090 مللي أمبير، والنسخة العادية Tab S8 بطاريتها 8000 مللي امبير فقط، بطاريات ممتازة وهتكفيك أكثر من 14 ساعة شاشة مفتوحة وفيديوهات.

المفاجأة ان الشحن 45 وات في الـ3 موديلات .. لكن للأسف الشاحن مش بيجي في العلبة.


سعر سلسلة Galaxy Tab S8 :-

  • تاب S8 نسخة 128 جيجا مع 8 جيجا رام بسعر 14500 جنية مصري
  • تاب S8 بلس نسخة 256 جيجا مع 8 جيجا رام بسعر 20950 جنية مع كيبورد هدية

اما عن اصدار الالترا من التاب لم يتم تحديد سعره بمصر حالياً .. وتقدر تركب كارت ميموري مع شريحتين إتصال من الجيل الخامس في نفس الوقت.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

كل الموبايلات

أحدث الهواتف

أحدث الاخبار